Վրացական Apsny.ge կայքի փոխանցմամբ, Freedom House կազմակերպությունը հրապարակել է «Մամուլի ազատությունն աշխարհում-2011» զեկույցը, որում ամփոփել է 2010 թվականի տվյալները: Դրա համաձայն, Վրաստանը ստացել է 55 միավոր՝ ինչպես Մոլդովան ու Մալավին, և 196 երկրների թվում հանգրվանել 118-րդ հորիզոնականում:
Նշվում է, որ նախորդ տարվա համեմատ` վրացի լրագրողների դրությունը որոշակիորեն բարելավվել է: Մասնավորապես, նվազել է նրանց կյանքին ու առողջությանը սպառնացող վտանգը: Բացի այդ, որոշակիորեն նվազել է նաև լրատվամիջոցների վրա պետական վերահսկողությունը, իսկ հասարակական հեռարձակումը` հեռուստատեսությունն ու ռադիոն, նախորդ տարի առավել հավասարակշռված են եղել:
Ընդհանուր առմամբ, Վրաստանը նշված է որպես «մասնակի ազատ» երկիր:
Վրաստանի հարևան Հայաստանը ստացել է 65 միավոր, ինչպես որ Եգիպտոսը, և զբաղեցրել 146-րդ տեղը: Ադրբեջանը 79 միավորով հայտնվել է 171-րդ տեղում (Եթովպիայի, Սուդանի և Տաջիկստանի նման): Ռուսաստանը 81-րդ հորիզոնականը կիսում է Կոնգոյի, Գամբիայի ու Զիմբաբվեի հետ: