Thursday, 23 05 2024
«Մեղավորներն ամենախիստ ձևով կպատժվեն»․ Տիգրան Ավինյանը՝ գործադուլ անող վարորդներին
ՊՆ N զորամաս են այցելել մշակույթի ոլորտի գործիչներ
58-ամյա արարատցին կալանավորվել է՝ դպրոցահասակ աղջկան թմրամիջոց իրացնելու մեղադրանքով
Վաղարշապատում մեքենաների բախման հետևանքով մայրն ու 2 երեխաները տեղափոխվել են հիվանդանոց
Ռազմական ակադեմիա են այցելել ավագ դպրոցների աշակերտներ
Դիահերձարանում գողացել են որդու մատի ոսկյա մատանին
ՃՏՊ Երևան-Գյումրի ավտոճանապարհին. վարորդի վիճակը ծանր է
23:45
Քննարկվել են ՀՀ-ԵՄ գործընկերության խորացմանն առնչվող հարցեր
23:30
Մեծ Բրիտանիայի վարչապետ Ռիշի Սունակը հուլիսի 4-ին արտահերթ ընտրություններ է նշանակել
23:15
Պաղեստինն ակնկալում է, որ Սլովենիան և Բելգիան կլինեն հաջորդ երկրները, ոորնք պաշտոնապես կճանաչեն իրենց որպես պետություն
23:00
Իսպանիան և Իռլանդիան Պաղեստինը որպես պետություն կճանաչեն մայիսի 28-ին
Արարատի նախկին մարզպետից պահանջվում է բռնագանձել 46 անշարժ գույք և այլն
Վաղը Ստեփանակերտն ասելու է «ուզում էինք լավ բան անել, բայց դե էսպես ստացվե՞ց»
Եթե Հայաստանում հեղաշրջում լինի, խաղաղության գործընթացը կտապալվի
Անտիէլիտան է հավաքվել կողքին. Ռուսաստանը մաշելու է նրանց մինչև վերջ, բայց շանս չունեն
Հայաստանի և Իսպանիայի ԱԳ նախարարությունները մտքեր են փոխանակել միջազգային օրակարգի հարցերին մոտեցումների շուրջ
«Երևանի ավտոբուս» ՓԲԸ-ում ընթանում են քննարկումներ Երևանի քաղաքապետի մասնակցությամբ
Գլխ․ դատախազությունը պահանջում է բռնագանձել ԱՄՆ-ի տունը, Երևանի Հյուս․ պողոտայի տունը և փող
ՀՀ նախագահը Լյուքսեմբուրգի պատգամավորների պալատի նախագահին պարգևատրել է Երախտագիտության մեդալով
Եկեղեցուն առաջարկել ենք հարկված ամբողջ գումարը վերադարձնել՝ մերժել են. վարչապետ
Կիրանցում կառուցվում է ճանապարհ պատմական Հայաստանից դեպի իրական Հայաստան. Փաշինյան
«Վանաձոր» ՔԿՀ-ում կայացել է Շառլ Ազնավուրի 100-ամյակին նվիրված մշակութային միջոցառում
Նախկին տնօրենի վախտով լավ ենք ապրել, նորին չենք ուզում. ավտոբուսի վարորդները գործադուլ են անում
Վախենում են՝ թող խաչակնքվեն, մենք վերադառնալու որևէ ցանկություն չունենք. Սերժ Սարգսյան
Հայկական «բուկլե՞տ», թե՞ գործնական «խաչմերուկ»
Քաղաքականություն մտնում է այն հոգևորականը, որի առաջ փակ են Աստծու շեմերը, բաց են «Դե լյուքսի» շեմերը
2024-ի մարտ-ապրիլ ամիսներին Youtube-ով բռնություն է քարոզել
ՀՀ նախագահը ցավակցական գրառում է կատարել Իրանի դեսպանատանը բացված սգո մատյանում
Մենք կսատարենք այն թեկնածուին, որին կառաջադրի Բագրատ սրբազանը. Սերժ Սարգսյան
Մայիսի 26-ին կներկայացնենք, թե ինչպիսին պետք է լինի մեր պատկերացրած ապագա Հայաստանը

ԲՀԿ-ն իշխանության հետ միասին ոչնչացրեց ընդդիմադիր դաշտը

 «Բարգավաճ Հայաստան» կուսակցության նախագահ Գագիկ Ծառուկյանի՝ նախօրեին արած հայտարարությունը սառը ցնցուղ էր Հայաստանի ընդդիմադիր դաշտի, հատկապես ՀԱԿ և Դաշնակցություն կուսակցությունների համար: Հիշեցնենք, որ Գ. Ծառուկյանը Աբովյանում իր կառուցած եկեղեցու օծման արարողությունից առաջ հայտարարել էր, թե «ԲՀԿ-ն չի կարող ընդդիմություն դառնալ»:

Գաղտնիք չէ, որ վերջին մեկ տարում այդ երկու ուժերն իրենց քաղաքական քայլերը համաձայնեցնում և ինչ-որ տեղ նաև համապատասխանեցնում են ԲՀԿ-ի դիրքորոշումների հետ: Որքան էլ ցավալի է, ՀԱԿ-ի նման հզոր շարժումը, որը ձևավորվեց 2008թ. մարտի 1-2-ի իրադարձությունների արդյունքում, շուրջ 2 տարի է, իր քաղաքական առաջընթացը կապում է նույն իրողությունների պատասխանատուներից մեկի՝ ԲՀԿ-ի հետ: Երկու տարի է, ինչ փորձում է իշխանություններից կտրել ԲՀԿ-ին ու դարձնել ընդդիմություն, սակայն չի կարողանում դա իրականություն դարձնել: Գ. Ծառուկյանն իր հայտարարությամբ հօդս ցնդեցրեց նրանց բոլոր հույսերը: Եվ որքան էլ ՀԱԿ-ից Լևոն Զուրաբյանը պնդի, որ ԲՀԿ-ն իրեն պահում է որպես ընդդիմադիր ուժ, միևնույն է, այդ կուսակցության գործունեությունը ընդդիմադիր դաշտում չէ: Հայաստանյան քաղաքական իրավիճակում ինչպես կարող է ընդդիմադիր կուսակցության ղեկավարն ունենա ահռելի բիզնեսներ, որոնք գործում են արտոնյալ պայմաններում և ոչ ամբողջությամբ հարկային դաշտում: Կամ ընդդիմության ղեկավարն ինչպես կարող է գործող և նախկին նախագահներ Սերժ Սարգսյանին ու Ռոբերտ Քոչարյանի հրավիրել ճաշկերույթի, և նրանք էլ ընդունեն այդ հրավերքը:

Այստեղ արդեն ակնհայտ է, թե այդ ուժերից ովքեր են միմյանց ընդդիմադիր: ԲՀԿ-ն ավելի շուտ ՀԱԿ-ին ու ՀԱԿ առաջնորդ Լևոն Տեր-Պետրոսյանին է ընդդիմադիր, քան թե Սերժ Սարգսյանին: Վերջինս նրանց համար շարունակում է մնալ «նախագա ջան»: Իսկ իշխանության մեջ էլ ԲՀԿ-ն ընդդիմադիր է ոչ թե ամբողջ կառավարությանը, այլ վարչապետ Տիգրան Սարգսյանին, որովհետև ցանկանում էր այդ պաշտոնը ձեռք բերել Ռոբերտ Քոչարյանի, Հովիկ Աբրահամյանի կամ իրենց կողմից ավելի ընդունելի մեկի համար: Վարչապետի պաշտոնը նշված մարդկանց համար ձեռք բերելը թերևս ԲՀԿ-ի համեմատաբար թեթև վնասը կարող է համարվել մեր երկրի համար այն բանի համեմատությամբ, թե ինչպես է այդ կուսակցությունը հետևողականորեն ոչնչացնում ընդդիմադիր դաշտը: Բնականաբար՝ իշխանությունների հետ միասին: Այս պարագայում երբեմն տպավորություն է առաջանում, թե ԲՀԿ-ն ավելի շուտ իշխանությունների հետ պայմանավորված է գործում: Իշխանությունները ամեն կերպ ջլատեցին ընդդիմությանը, ընդդիմությունն էլ իր հերթին չկարողացավ դիմակայել այդ գործընթացին: Իսկ այն, ինչ չկարողացան կամ հապաղեցին անել իշխանությունները, արեց ԲՀԿ-ն իր ղեկավար Գագիկ Ծառուկյանի գլխավորությամբ:

Ծառուկյանը թե՛ ՀԱԿ-ին, թե՛ ՀՅԴ-ին հույս ներշնչեց, որ քաղաքական գործընթացներում կաջակցի նրանց կամ կմիավորվի նրանց հետ: Նախ այդ հույսը ներշնչեց անցած տարվա խորհրդարանական ընտրություններից առաջ, որոշ քաղաքական համագործակցություններով, Հմայակ Հովհաննիսյանի միասնական շտաբով ընդդիմադիր կեցվածք ընդունեց: Այդ հանդիպումներով ու դրանց հետևող կիսաքննադատական հայտարարություններով ԲՀԿ-ն և՛ այդ ուժերի ընդդիմադիր ձայների մի մասը տարավ, և՛ իշխանությունների համաձայնությամբ ընտրակաշառք բաժանելով ու «տրակտոր» օպերացիա իրականացնելով այլ ընտրազանգված ապահովեց ու ԱԺ-ում ավելի շատ մանդատներ ձեռք բերեց:

Ավելի ուշ` արդեն նախագահական ընտրություններից առաջ, աշնանը քաղաքագիտության համար անհայտ «այլընտրանքի» անվան տակ շռնդալից քարոզարշավ սկսեց: ՀԱԿ-ն ու ՀՅԴ-ն հուսով էին, որ ահա, կհամագործակցեն ու միասնական թեկնածու կառաջադրեն, ով էլ, որ նա լինի, և այդպիսով լուրջ հակակշիռ կլինեն ՀՀԿ-ին ու Սերժ Սարգսյանին: Տարատեսակ քաղաքական կոնսուլտացիաներ սկսեցին, անիմաստ ու անպտուղ հանդիպումներ ու հայտարարություններ արեցին, ԲՀԿ-ն այդ ընթացքում ստորագրեց ՀԱԿ-ի կամ ՀՅԴ-ի որոշ նախաձեռնությունների տակ, դեմ քվեարկեց Բյուջեի մասին օրինագծին ու մի քանի այլ նախագծերի: Արդյունքում ՀԱԿ-ին և ՀՅԴ-ին թվաց, թե ահա այդ կուսակցությունը ընդդիմություն է, պետք է սպասել նախագահական ընտրություններին, որ միասնական ջանքերով իշխանություն վերցնեն: Բայց այստեղ էլ Ծառուկյանն այլ կերպ հուսախաբ արեց ընդդիմությանը՝ ոչ թեկնածու առաջադրեց, ոչ էլ պաշտպանեց այդ կուսակցությունների հնարավոր թեկնածուներից մեկին:

Նույնը վերաբերում է նաև վերջին՝ Երևանի ավագանու ընտրություններին: Սուր քննադատություններով ու կոշտ ելույթներով ԲՀԿ-ն թունդ ընդդիմադիր քարոզչություն տարավ: Այդ ուժի քննադատությունը, սակայն, շատ հաճախ անհասցե էր, լավագույն դեպքում ուղղված՝ նույն Տիգրան Սարգսյանին վարչապետի պաշտոնի պահանջի շրջանակներում: Որևէ անգամ Գագիկ Ծառուկյանը կամ ԲՀԿ-ի որևէ պատգամավոր չփորձեց իշխանության թիվ մեկ պաշտոնյային՝ Սերժ Սարգսյանին, գոնե մի թեթև քննադատել: Եվ այս ընտրություններին նույնպես ԲՀԿ-ն այդպես մոլորեցնելով ընդդիմությանը՝ մտավ Երևանի ավագանու կազմ: Իսկ նրա հետ հույսեր կապող ու նրա գործունեությունը սպասարկող ՀԱԿ-ն ու ՀՅԴ-ն ընդհանրապես պարտվեցին:

Այսքանից հետո անհնար է չմտածել, որ ԲՀԿ-ն իշխանությունների հետ միասին հետևողականորեն ոչնչացնում է ընդդիմադիր դաշտը: Չէ՞ որ ընդդիմության հետ համագործակցության արդյունքում այդ կուսակցությունը բավականին խորամանկ կերպով իրեն քաշելով նրանց ընտրազանգվածը՝ նրանց գրեթե դուրս մղեց քաղաքական պրոցեսներից: Փաստորեն ԲՀԿ-ն այսօր հասարակության ու քաղաքական դաշտում զբաղեցրել է ընդդիմության տեղը, զուգահեռաբար նաև վայելում է իշխանական բարիքները՝ ընդլայնելով բիզնես գործունեությունը: Արդյունքում այսօր քաղաքական դաշտում երկու ուժեղ խաղացողներ են մնացել` իշխանական ՀՀԿ-ն ու այլընտրանքա-ընդդիմադիր ԲՀԿ-ն՝ ընդդիմադիր ՀԱԿ-ին, ՀՅԴ-ին ու «Ժառանգությանը» թողնելով իրենց հետ կամ առանձին աղոթելու հնարավորությունը: Եվ առաջիկա 4-5 տարիներին ՀՀԿ-ն ու ԲՀԿ-ն` մեկը իշխանական, մյուսը` ընդդիմադիր դիրքերից կիսելու են քաղաքականությունը, որպեսզի արդեն 2017-2018թթ. լուրջ մրցակիցներ չունենան: Իսկ թե այդ քաղաքականության ընթացքում ի՞նչ փշրանքներ բաժին կհասնի մյուս երեք ուժերին` արդեն կարելի է ենթադրել, և դժվար է մտածել, որ ԲՀԿ-ն իշխանությունների հետ պայմանավորվածության շրջանակներում չի փչացրել ընդդիմադիր դաշտը: Իսկ այսքանից հետո ՀԱԿ-ը թող նորից հայտարարի, որ ԲՀԿ-ն ընդդիմություն է, և այդ ուժին կարողացել է պոկել իշխանությունից:

Բաժիններ
Ուղիղ
Լրահոս
Որոնում