Վրացական Georgia times կայքի փոխանցմամբ, ընդդիմադիր «Ժողովրդավարական շարժում-Միասնական Վրաստան» կուսակցության և «Ժողովրդական հավաք» կազմակերպության առաջնորդ, խորհրդարանի նախկին խոսնակ Նինո Բուրջանաձեն հայտարարել է, որ Սաակաշվիլիի ռեժիմի հակառակորդները շարունակում են նրա տապալմանն ուղղված իրենց պայքարը.
«Սաակաշվիլիի նախագահության պայմաններում Վրաստանում անհնար է ժողովրդավարական ընտրությունների անցկացումը: Դրա համար էլ մենք կշարունակենք Սաակաշվիլիի վաղաժամ հրաժարականին միտված մեր պայքարը:
Նրա գահընկեցությունը կհանդիսանա իրական արդար ընտրությունների անցկացման երաշխիքը: Ընթացիկ ամառը վերջինը կլինի Սաակաշվիլիի համար»:
Հիշեցնենք, որ ավելի վաղ վրացական ընդդիմության առաջնորդներից շախմատի գծով աշխարհի հնգակի չեմպիոն Նոնա Գափրինդաշվիլին հայտարարել էր, որ վրացական ընդդիմության զանգվածային բողոքի ակցիաները Վրաստանի տարբեր վայրերում կայանալու են մայիսի 21-ին, սակայն ամենազանգվածային ակցիան կազմակերպվելու է մայրաքաղաք Թբիլիսիում: