Լեգենդար բռնցքամարտիկ Ռոյ Ջոնսը հերքել է, որ պատրասվում է ավարտել մարզական կարիերան։ Ավելի վաղ «Պատրիոտ» պրոմոութերական ընկերության մարզական տնօրեն Դմիտրի Լուչնիկովը հայտարարել էր, որ Ջոնսը պատրաստվում է ավարտել մարզական կարիերան և մտադիր է կենտրոնանալ երաժշտի կարիերայի վրա։
Ռոյ Ջոնսը նախորդ տարի ստացել էր Ռուսաստանի քաղաքացիություն և դարձել «Պատրիոտ» ընկերության պատվավոր նախագահ։
«Կարող եմ խոսել միայն կարիերայիս շարունակության մասին։ Իսկ կարիերայի ավարտի մասին հայտարարությունը ես չեմ արել։ Չնայած՝ ամեն ինչ հնարավոր է, կարիերայի ավարտի մասին որոշում չեմ կայացրել»,- Ջոնսի խոսքերը մեջբերում է BoxingScene-ը։
