Երևանի քաղաքապետարանի լրատվական ծառայության հաղորդագրությունը։
Այսօր` մայիսի 2-ին այս ասամբլեայի նախապատրաստական և կազմակերպչական աշխատանքների հետ կապված հարցեր են քննարկվել Երևանի քաղաքապետ Կարեն Կարապետյանի և Ֆրանսախոս քաղաքապետերի միջազգային կազմակերպության մշտական քարտուղար Պիեռ Բայեի հանդիպման ժամանակ:
Մայրաքաղաք Երևանը Ֆրանսախոս քաղաքապետերի միջազգային կազմակերպության անդամ է 1998թ.-ից:
Կողմերը համոզմունք են հայտնել, որ Գլխավոր ասամբլեայի անցկացումը Երևանի և ֆրանսիական քաղաքների միջև գործնական նոր հարաբերությունների հաստատման հիմք կհանդիսանա:
Կարեն Կարապետյանը կարևորել է Ֆրանսախոս քաղաքապետերի միջազգային կազմակերպության հետ բազմակողմանի ծրագրերի իրականացումը կրթության ու մշակույթի ոլորտներում և հույս հայտնել, որ համագործակցությունը զարգացման հեռանկարներ ունի:
Մինչ Երևանի քաղաքապետի հետ հանդիպումը, Պիեռ Բայեն այցելել էր Երևանի թիվ 48 և 78 դպրոցներ ծանոթանալու կազմակերպության միջոցներով լինգաֆոնային դասարանների ձևավորման աշխատանքների ընթացքին: Ծրագրի հաջորդ փուլում կազմակերպության ֆինանսավորմամբ նախատեսվում է նաև հեռակա ուսուցման համաժամանակյա դասընթացներ անցկացնել ֆրանսերեն երկլեզվյա դասարաններ ունեցող այս դպրոցների միջև: