Ապրիլի 30-ին, ժամը 13.35-ին, «Էրեբունի» բժշկական կենտրոնից ոստիկանության Էրեբունու բաժնում հաղորդում է ստացվել, որ մարմնական վնասվածքներով իրենց մոտ բուժօգնության են տեղափոխվել 18-ամյա Արթուր Մ.-ն և 17-ամյա Արշակ Մ.-ն:
Նրանք հայտնել են, որ նույն օրը, ժամը 13.00-ին, 15-20 անհայտ անձինք Նոր-Արեշ թաղամասում, վիճաբանության ժամանակ, հայհոյել են իրենց և ձեռքերով, ոտքերով ու քարերով հարվածելով՝ պատճառել վնասվածքներ:
Ոստիկանները պարզել են, որ խուլիգանությանը մասնակցել են 17-ամյա Սարգիս Վ.-ն և 18-ամյա Մանուկ Գ.-ն:
Ձեռնարկվում են միջոցառումներ նրանց, ինչպես և խուլիգանության մյուս մասնակիցներին հայտնաբերելու ուղղությամբ:
Կատարվում է հետաքննություն: