Թուրքական Cumhuriyet թերթի փոխանցմամբ, Թուրքիայի արտգործնախարար Ահմեդ Դավութօղլուն, դուրս գալով իշխող «Արդարություն ու զարգացում» կուսակցության (ԱԶԿ) կենտրոնական գրասենյակից, լրագրողներին տված հարցազրույցի ժամանակ հայտարարել է, որ իրենք տարհանել են Լիբիայի մայրաքաղաք Տրիպոլիում գտնվող թուրքական դեսպանատան աշխատակազմին, ինչը պայմանավորված է Լիբիայում իրավիճակի սրմամբ.
«Տրիպոլիի թուրքական դեսպանատան աշխատակազմը ժամանակավորապես տարհանվել է Թունիս, ուր և այսօր առավոտվանից շարունակում է իր գործունեությունը: Տրիպոլիում նրա գործունեության վերսկսումը կախված է լիբիական զարգացումներից»:
Դավութօղլուն նաև խոսել է Ուսամա բեն Լադենի սպանությունից` նշելով, որ ինքը գոհունակությամբ է ընդունել այդ տեղեկատվությունը` ընդգծելով, որ Թուրքիան առաջատար դեր է խաղում միջազգային ահաբեկչության դեմ պայքարում:
