ԱՄՆ նախագահ Բարաք Օբաման հաջորդ շաբաթ կառաջարկի ծրագիր՝ հաջակցություն էկոլոգիապես մաքուր տրանսպորտային համակարգի, որի իրագործման համար նավթային ընկերություններից մեկ բարելի դիմաց կգանձվի 10 դոլար հարկ։ Այս մասին ասվում է Սպիտակ տան տարածած հաղորդագրությունում՝ փոխանցում է TASS գործակալությունը։
Ենթադրվում է, որ հարկերից հավաքված գումարը կկիրառվի գերարագ երկաթուղիների շինարարության, էկոլոգիապես մաքուր տրանսպորտի և ինքնակառավարվող մեքենաների ներդրման համար։ Նախագահի առաջարկած ծրագիրը կիրագործվի 2017 թվականի բյուջետային ծրագրի շրջանակում։