Կիրակի օրը Հարավային Կորեայի նախագահ Պակ Կըն Հենի գրասենյակը պաշտոնապես ընդունել է ԱՄՆ-ում սեռական ոտնձգության հետ կապված սկանդալի փաստը, որում ներգրավված է եղել հարավկորեական պետության ղեկավարի օգնականը, և ներողություն է խնդրել այս պատահարի համար, հաղորդում է Agence France-Presse-ը:
Պատահարը տեղի է ունեցել պետության նոր ղեկավարի առաջին արտասահմանյան այցի ժամանակ, որը կայացել է մայիսի 5-9-ը: Նախագահի մամլո քարտուղար Պակ Յուն Չխան Չժունը հեռացվել է պաշտոնից Վաշինգտոնում Կորեայի Հանրապետության դեսպանատան աշխատակցի հանդեպ սեռական ոստնձգության մեջ մեղադրվելուց հետո: Չժունը ստիպված է եղել հեռանալ ԱՄՆ-ից` խուսափելու համար հարցումից տեղի իրավապահ մարմինների կողմից:
«Մենք տվյալ պատահարի համար խորապես ներողություն ենք խնդրում Հարավային Կորեայի բոլոր քաղաքացիներից, տուժածից, նրա ընտանիքից և արտասահմանում կորեացի ներգաղթյալներից»,- հայտարարել է Հարավային Կորեայի նախագահի աշխատակազմի ներկայացուցիչը:
