Էլետրոնային ծառայություններ մատուցող ընկերության աշխատակից Սոհայիբ Ատարը դարձել է առաջին օգտատերը, որը Twitter միկրոբլոգների ցանցում հայտնել է ԱՄՆ կողմից բեն Լադենի դեմ օպերացիան սկսելու մասին: Ընդ որում` նա նույնիսկ չի պատկերացրել, թե իրականում ինչ է տեղի ունենում:
Այն պահին, երբ օպերացիան սկսվել է, նա գտնվել է սրճարանում և գրել է, թե այդ տարածքի վրայով ուղղաթիռներ են շրջում. «Այստեղ ինչ-որ բան է տեղի ունենում: Քաղաքի վրա ուղղաթիռներ են պտտվում»,- գրում են պակիստանյան կայքերը` մեջբերելով Twitter-ում Ատարի հրապարակումը:
Ավելի ուշ Ատարն իմացել է, որ իր գտնվելու վայրից ոչ շատ հեռու սպանվել է թիվ մեկ ահաբեկիչ Ուսամա բեն Լադենը: «Ես նույնիսկ չէի էլ մտածում, որ առաջինը կիմանամ «Ալ-Քաիդայի» ահաբեկչի վերացման մասին»,- գրել է պակիստանցին իր միկրոբլոգում` տեղեկանալով այդ օպերացիայի նպատակների մասին:
Մեկ օրվա ընթացքում Ատարը Twitter-ում ձեռք է բերել մի քանի հազար հետևորդ: