«Մեր խնդիրը օլիգարխները չեն, այլ դատարանները: Այդ դատավորները «աբիժնիկ» ենլրատվամիջոցներից, քանի որ մենք բազմիցս գրել ենք նրանց գործունեության մասին, թեկուզ Մարտի 1-ի գործերով»,- կարծիք հայտնեց «Առավոտ» օրաթերթի գլխավոր խմբագիր Արամ Աբրահամյանը ՄԻՊ գրասենյակի կազմակերպած «Մամուլի ազատություն» ֆորումի ընթացքում:
ՀՀ օմբուդսմեն Կարեն Անդրեասյանի նախաձեռնությամբ ստեղծված տեղեկատվական վեճերի խորհրդին անդրադառնալով՝ Աբրահամյանը հույս հայտնեց, որ նորաստեղծ տեղեկատվական վեճերի խորհուրդը չի լինի ֆորմալ մարմին, այլ իրական գործունեություն կծավալի. «Եթե մարդիկ անդիմադրելի ցանկություն ունեն «կզացնել»,- մեր խորհրդարանի ներկայացուցիչների բառն է սա,- թերթին, ապա նրանց պետք է ինչ-որ ձևով զսպել,և դա կարող է անել այս խորհուրդը, եթե, իհարկե, դեր ունենա»:
Աբրահամյանի խոսքերով, շատ դրական կլինի, եթե հնարավոր լինի օրենքով պարտադրել կամ խորհուրդ տալ, որպեսզի հայցն ընդունելուց առաջ դատավորը դիմի այդ հինգ հոգանոց խորհրդին և ստանա նրա եզրակացությունը, ինչպես նաևդատավորը խորհուրդ տա «նեղացած, վիրավորված և ոտնահարված» անձին սկզբում դիմել խորհրդին` ստանալով խորհրդի մասնագետների որոշումը,և հետո՝ նոր դատարան:
Նորաստեղծ խորհրդի անդամ, ԵՄԱ նախագահ Բորիս Նավասարդյանն էլ հայտարարեց, որ նույնիսկ եթե դատարանը չխնդրի, խորհուրդը ներկայացնելու է իր եզրակացությունը` հենվելով օրենսդրության և լրատվամիջոցների ինքնակարգավորման դիտորդ մարմնի էթիկական սկզբունքների վրա. «Այդ խորհրդատվությունը դատարանը, ուզի թե չուզի, ստանալու է,և մենք պետք է ձգտենք, որպեսզի կարդա»:
