WTA-ի վարկանիշային աղյուսակի 2-րդ համար Սիմոնա Հալեպը բաց կթողնի Դոհայի ու Դուբայի մրցաշարարը: Նա չի մասնակցի նաև ազգային հավաքականի կազմում Ֆեդերացիայի գավաթի խաղարկությանը, քանի որ վիրահատության է ենթարկվելու:
Նշենք, որ Հալեպը Մելբուռնում ընթացող Ավստրալիայի բաց առաջնության առաջին շրջանում 4:6, 3:6 հաշվով պարտվեց չինուհի Չժան Շուային:
«Վերջին վեց ամիսներն ինձ համար հեշտ չէին, քանի որ ես ապաքինվում էի ստամոքսի, քթի ու ականջի վարակից: Ես մշտապես օգտագործում էի հակաբիոտիկներ, սակայն չէի կարողանում մարզվել:
Ամբողջ ուժերս ներդրեցի Ավստրալիայի բաց առաջնությունում ելույթ ունենալու վրա, սակայն վարակը մինչև այժմ կա, և այն ավելի խորացավ, քանի որ ես մասնակցեցի «Մեծ սաղավարտ»-ին: Բժիշկն ասում է, որ ես պետք է քթի վիրահատության ենթարկվեմ»,- գրել է Հալեպը Facebook-ի իր էջում: