Բրիտանիայի արքայազն Ուիլյամն ու նրա կինը` Քեյթը, այսօր մեկնել են ամուսնական ճամփորդության: Այս մասին գրում է The Daily Telegraph-ը: Թերթի տվյալներով, նրանք այսօր ուղղաթիռով Բուքինգհեմյան պալատից մեկնել են անհայտ ուղղությամբ:
Բուքմեյքերները խաղադրույքներ են սահմանել` առաջարկելով գուշակել, թե արքայական զույգը որտեղ կանցկացնի իր մեղրամիսը: Ամենից հավանական են համարվում Շոտլանդիան և Քենիան: William Hill-ն, օրինակ, Քենիայի և Շոտլանդիայի հավանականությունը գնահատում է հավասար` 3/1: Այս երկրներին հետևում են Հորդանանը, Քորնուոլը, ՀԱՀ-ի, Կարիբյան ավազանի երկրները:
Բուքինգհեմյան պալատն արգելք է դրել այս տեղեկության տարածման վրա. «Նորապսակներին հանգիստ թողեք, նրանց ցանկությունն է, որպեսզի մեղրամիսն անցկացնեն լռության մեջ և մամուլի կողմից առանց ավելորդ ուշադրության», այսօր հայտարարել է Ուիլյամի և Քեյթի պաշտոնական ներկայացուցիչը: