Բուրկինա Ֆասոյի մայրաքաղաք Ուագադուգուի Splendid հյուրանոցում պատանդների ազատագրելու գործողությունը ավարտվել է, հայտնում է Reuters-ը:
Գործակալության տվյալներով՝ ազատվել են 126 պատանդներ: Երկրի ՆԳ նախարարը նաև հայտնել է, որ գործողության արդյունքում սպանվել են երեք իսլամիստ զինյալներ: Նրա խոսքով` նրանցից մեկը արաբական ծագումով էր, իսկ երկուսը սևամորթ աֆրիկացիներ էին:
Նա նաև ավելացրել է, որ մայրաքաղաքի այդ շրջանում անվտանգության ապահովման համար շարունակվում է երկրորդ հյուրանոցի ազատման գործողությունը, որը գտնվում է Splendid-ի կողքին:
Ավելի վաղ Բուրկինա Ֆասոյի իրավապահ մարմինների բարձրաստիճան աշխատակիցը հայտարարել էր, որ իսլամիստ զինյալները գրավել են երկրի մայրաքաղաքի Splendid հյուրանոցը և ականապատել վերևի հարկը:
