Ազգային վիճակագրական ծառայության այսօր հրապարակած «Շինարարությունը Հայաստանի Հանրապետությունում 2011 թվականի հունվար-մարտին» զեկույցի համաձայն` 2011 թ. առաջին եռամսյակում ՀՀ-ում գործարկվել են 59 հազար 304 քառակուսի մետր ընդհանուր մակերեսով բնակելի շենքեր, ինչը մոտ 2 անգամ գերազանցում է նախորդ տարվա առաջին եռամսյակի ցուցանիշը:
Ընդ որում` այս տարվա առաջին եռամսյակում կառուցված բնակելի շենքերի մոտ 62%-ը ֆինանսավորվել է կազմակերպությունների միջոցների հաշվին, 35%-ը` բնակիչների միջոցների հաշվին, և միայն 3%-ը` պետական բյուջեի միջոցների հաշվին:
