IDC վերլուծական ընկերությունում հաշվել են, որ 2016 թվականին ամբողջ աշխարհում բջջային համացանցի լսարանը կհասնի 2 միլիարդի և կկազմի համացանցից օգտվողների ավելի քան կեսը։ Համացանցից օգտվողների թիվը ընկերությունը գնահատել է 3.2 մլրդ մարդ։ Այս մասին հայտնում է iLenta.com-ը։
Առաջիկա տարիներին օգտատերերի թիվը կավելանա տարեկան միջինը 2 տոկոսով, իսկ նրանց մասնաբաժինը, ովքեր համացանց են դուրս գալիս միայն բջջային սարքերից, կհասնի 25 տոկոսի։
IDC-ի վերլուծաբանները կանխատեսում են, որ այդ միջակայքում ըստ ամենայնի կհայտնվի համացանցի հասանելիության նոր միջոց, որը կարող է փոխել այդ կանխատեսումը։ Դա կարող է լինել նախաձեռնություն Google-ի, SpaceX-ի և Facebook-ի կողմից։ Նրանք ցանկանում են հասանելիություն տրամադրել համացանցին օդապարիկների, անօդաչուների և արբանյակների օգնությամբ։