Այսօր ՀՖՖ նիստերի դահլիճում կայացած մամլո ասուլիսի ժամանակ հնչեցին նաև ընդհանրապես ֆուտբոլի հետ չառնչվող հարցեր, որոնցից մեկն ավելի շատ լեզվակռվի էր նման` Ռուբեն Հայրապետյանի և լրագրողուհիներից մեկի միջև:
– Պարոն Հայրապետյան, Դուք որոշ ժամանակ առաջ դատի տվեցիք «Հայկական ժամանակ»-ին և փոխհատուցում պահանջեցիք` Ձեր պատիվը, արժանապատվությունը վիրավորելու համար: Դուք սեռական բնույթի հայհոյանքներ եք տվել լրագրողին և Ձեր մեղքը չեք ընդունում: Հնարավո՞ր է` մտավախություն ունեք, որ ընդունելուց հետո նախադեպ կդառնա, և Ձեզ հաճախ դատի կտան, քանի որ Դուք սովորություն ունեք հաճախ հայհոյելու:
– Ձեզ քանի՞ անգամ եմ հայհոյել, որ:
– Ինձ չէ, «Հայկական ժամանակ»-ի լրագրողին էլ այլ բան էիք ասել:
– Ի՞նչ էի ասել:
– Հարց էր ուղղել, կարծեմ ասել էիք` ուզում եք հղիանալ իմ տղայից և այլն, և այլն:
– Բա դա հայհոյանք ա՞, լավ բան եմ առաջարկել: Առողջ գենետիկ ֆոնդով լավ որակով երեխաներ կունենար:
– 1-ին հարցին պատասխանեք:
– Դատ ա գնում, թող դատը ավարտվի, նոր կպատասխանեմ:
– Իսկ դատը հնարավո՞ր է նախադեպ լինի, և դրանից հետո հարգալից վերաբերվեք լրագրողներին:
– Ես միշտ հարգալից եմ վերաբերվել լրագրողների հետ, եթե լրագրողը հարգալից է եղել իմ նկատմամբ: Այ հեսա բոլորդ նստած եք, ով փորձի իմ նկատմամբ ոտնձգություն անի` հաստատ ավելի վատ կվարվեմ:
– Ի՞նչ տիպի ոտնձգություն:
– Տիպը Դուք նոր ներկայացրեցիք:
– Հարց է տվել ընդամենը:
– Եթե հարց ա` Դուք խի՞ եք մենակ իմը ասում: Ես նրան պատասխանում եմ, որ ես բժշկի մոտ հիվանդանոցում պառկած եմ: Ասում եմ ու անջատում եմ հեռախոսը: Երեք անգամ զանգում ա, այսինքն` ես բուժվելու իրավունք էլ չունե՞մ:
–Հայհոյանք տալու իրավունք ունե՞ք:
-Իհարկե ոչ, իհարկե ոչ: Ո՞վ ա ասում ունեմ: Ես տենց բան ասում եմ:
–Բա ինչո՞ւ տեղի ունեցավ: Ինքնաբո՞ւխ էր:
-Ի՞նչը, ես իմ համար խոսացել եմ, ինքն էլ միացրած թողել ա, ես էլ եմ հեռախոսը թողել միացրած ինքն էլ լսել ա: Ես ի՞նչ անեմ, ես հո իրան չե՞մ ուզեցել հայհոյեմ:
–Այսինքն, դուք համարում եք անջատելուց հետո ե՞ք հայհոյել:
-Ես լրագրողներին չեմ հայհոյում:
–Անջատելուց հետո՞ եք համարել հայհոյել եք:
-Աղջիկ ջան, ես քեզ խորհուրդ կտամ կոկա-կոլա խմի, նենց կթարմանաս: