Այս տարվա առաջին եռամսյակում` հունվար-մարտ ամիսներին, նախորդ տարվա նույն ժամանակահատվածի համեմատ պետական բյուջեի եկամուտներն աճել են 9%-ով կամ 14.8 մլրդ դրամով: Այս մասին ասվում է ֆինանսների նախարարության հրապարակման մեջ:
Մյուս կողմից էլ` ԱՎԾ-ից արդեն հայտնի է, որ այս տարվա առաջին եռամսյակում նախորդ տարվա առաջին եռամսյակի համեմատ սպառողական գներն աճել են 11.1%-ով: Սա նշանակում է, որ այս տարվա առաջին եռամսյակում իրական բյուջեն նախորդ տարվա համեմատ նվազել է 2.1%-ով:
Այսինքն` այս տարվա առաջին եռամսյակի բյուջեով 2.1%-ով ավելի քիչ ապրանքներ ու ծառայություններ կարելի է գնել, քան նախորդ տարվա բյուջեով կարելի էր գնել: