ԱՄՆ նախագահի թեկնածու Դոնալդ Թրամփի ժողովրդականությունն արտացոլում է ամերիկյան հասարակության համոզմունքներն ու վախերը: Այս մասին գրում է The New York Times-ը:
2015թ. ակնհայտ է դարձել, որ Թրամփը և նրա գաղափարները արժանի են քննարկման՝ նշում է հոդվածագիրը: Նա Facebook-ում ավելի շատ «լայքեր» և Twitter-ում ավելի շատ բաժանորդագիրներ ունի, քան որևէ այլ թեկնածու: Նրա անունն ամենից հաճախ են որոնում Google-ում, իսկ հեռուստատեսությունը նրան շատ ավելի մեծ ուշադրություն է դարձնում, քան նրա հանրապետական մրցակիցներին:
Ըստ Հավայայի համալսարանի հոգեբանության պրոֆեսոր Ռիչարդ Ռեփսոնի՝ այնպիսի հույզերը, ինչպիսիք են ատելությունը, վախը կամ զայրույթը, ամենահեշտն է առաջացնել: Նա նաև հավելում է, որ մարդիկ ամենից հաճախ կիսվում են նման զգացումներ առաջացրած իրադարձություններով: Դրանով է բացատրվում այն, թե ինչու են Թրամփի հայտարարություններն այն մասին, թե մեքսիկացիները բռնարար են, կամ նրա առաջարկները՝ մուսուլմանների մուտքը ԱՄՆ արգելելու մասին, միայն մեծացնում քաղաքական գործչի ժողովրդականությունը:
Ըստ պարբերականի՝ Թրամփը «Ցանկացած գովազդ լավ է» արտահայտության մարմնացումն է, և ինքը հիանալի հասկանում է, որ վրդովեցուցիչի արարքներով գրավում է ԶԼՄ-ների ուշադրությունը:
