ԴԱԻՇ ահաբեկչական խմբավորումը 25 քրիստոնյա ասորիների գերությունից ազատել է փրկագնի դիմաց, որը փոխանցվել է միջնորդների միջոցով: Այդ մասին RIA Novosti-ին հայտնել են Էլ-Հասակե գավառում գտնվող ասորական համայնքի ներկայացուցիչները:
«Մեզ հաջողվեց միջնորդների միջոցով ԴԱԻՇ-ի գերությունից ազատել ևս 25 ասորու: Փոխարենը մենք ահաբեկիչներին փրկագին ենք փոխանցել: Գերության մեջ են մնում ևս մոտ 80 ասորիներ»,- ասել է գործակալության զրուցակիցը:
Վերջին անգամ, դեկտեմբերի 10-ին է հաջողվել ԴԱԻՇ-ի գերությունից փրկագնով ազատել գերի քրիստոնյաների: