Ապրիլի 27-ին Ուլան Բատորում իր աշխատանքն է սկսել Ժողովրդավարությունների hամայնք 7-րդ նախարարական համաժողովը, որին մասնակցել է ԱԳ փոխնախարար Սերգեյ Մանասարյանը:
ՀՀ ԱԳՆ մամլո գրասենյակից «Առաջին լրատվական»-ին հայտնում են, որ համաժողովին ընդհանուր առմամբ մասնակցել են ավելի քան 300 պատվիրակ շուրջ 100 երկրներից:
Լիագումար նիստի բացումը կատարել է Մոնղոլիայի վարչապետ Նորովին Ալթանհույագը, ելույթ է ունեցել նաեւ Ժողովրդավարությունների համայնքի գլխավոր քարտուղար տիկին Մարիա Լեյսները: Այնուհետեւ աշխատանքները շարունակվել են առանձին պանելներում:
ՀՀ փոխարտգործնախարարը մասնակցել է խորհրդարաններին ու քաղաքացիական հասարակությանը նվիրված պանելների աշխատանքներին:
Ապրիլի 28-ին փոխնախարար Մանասարյանը հանդիպում է ունեցել Մոնղոլիայի ԱԳ փոխնախարար` Դ.Գանհույագի հետ:
Հանդիպման ընթացքում անդրադարձ է եղել երկկողմ հարաբերությունների լայն շրջանակին, ինչպես նաեւ իրավապայմանագրային դաշտի հնարավոր ընդլայնմանը:
