ՀՀ կառավարությունը «Վիքիմեդիա Հայաստան» գիտակրթական հասարակական կազմակերպությանը կտրամադրվի լրացուցիչ ևս 66.3 քառ. մետր մակերեսով տարածք: Համապատասխան որոշման նախագիծն ընդգրկված է կառավարության դեկտեմբերի 17-ի նիստի օրակարգում:
«Հաշվի առնելով, որ «Վիքիմեդիա Հայաստան» գիտակրթական հասարակական կազմակերպությունը դիմել է ՀՀ կառավարությանն առընթեր պետական գույքի կառավարման վարչությանն՝ անհատույց օգտագործման իրավունքով նոր տարածքներ տրամադրելու խնդրանքով և վարչությունը՝ կարևորելով կազմակերպության կողմից իրականացվող աշխատանքները, ինչպես նաև այն, որ հասարակական կազմակերպություններին անհատույց օգտագործման իրավունքով ՀՀ կառավարության որոշմամբ կարող են տրամադրվել պետական սեփականություն հանդիսացող ոչ բնակելի տարածքներ, ՀՀ կառավարությանն առընթեր պետական գույքի կառավարման վարչությունը նպատակահարմար է գտել Երևան քաղաքի, Կենտրոն վարչական շրջանի, Արշակունյաց պողոտա 2ա հասցեում գտնվող շենքի 4-րդ հարկում առկա ազատ տարածքները տրամադրել «Վիքիմեդիա Հայաստան» հասարակական կազմակերպությանը»,- ասված է հիմնավորման մեջ:
Մինչ այս, նախորդ տարի նույն շենքի 4-րդ հարկից անհատույց օգտագործման իրավունքով 141.6 քառ.մետր մակերեսով տարածք տրամադրվել էր «Վիքիմեդիա Հայաստան»-ին: