Սիրիայում վերջին մեկ ամսվա ընթացքում խաղաղ ցուցարարների վրա հարձակման զոհ է դարձել 500 մարդ: Այս մասին ասվում է Sawasiah իրավապաշտպան կազմակերպության հաղորդագրության մեջ, որը փոխանցում է Reuters գործակալությունը: Ավելի վաղ նույն կազմակերպությունը հայտնել էր 453 զոհի մասին:
Կազմակերպության տվյալներով, այս օրերին Սիրիայում ձերբակալվել է մի քանի հազար մարդ, շատերն անհայտ կորել են: «Մենք կոչ ենք անում քաղաքակիրթ երկրների կառավարություններին անել ամեն հնարավորը, որպեսզի դադարեցվի արյունահեղությունը Սիրիայում: Ցուցակներում կա առնվազն 500 անուն, որոնց մահը հաստատվել է», ասվում է իրավապաշտպանների հայտարարության մեջ:
Հիշեցնենք, որ մարտի կեսերից Սիրիայում սկսված բողոքի ցույցերը վերջին օրերին ճնշվում են բանակի միջոցով, մի քանի քաղաքներ մտցվել է ծանր զինտեխնիկա: Զոհերի թիվը կտրուկ սկսել է աճել երկուշաբթի օրը սկսված գործողություններից հետո:
