Ռուսաստանի նախագահ Դմիտրի Մեդվեդևը մայիսի 18-ին անսպասելիորեն հրավիրել է մամուլի ասուլիս: Այս մասին Лента.Ру կայքին հայտնել է Կրեմլի մամլո ծառայությունը:
Մամլո ասուլիսի թեման և նրա անցկացման կարգը չի ճշտվում: Մամլո ասուլիսի վայրի մասին տեղեկությունները կհայտնվեն ավելի ուշ:
ՌԴ նախագահի բրիֆինգների և լրագրողների հավատարմագրման ծառայության հաղորդագրության մեջ ասվում է, որ հավատարմագրման հայտներն ընդունվում են Կրեմլի պաշտոնական կայքում:
Ռուսաստանի նախագահը մշտապես անցկացնում է հանդիպումներ ԶԼՄ-ների հետ, սակայն հաճախ նրա ելույթները նվիրված են լինում ինչ-որ թեմայի կամ իրադարձության: Բացառություն են կազմում նրա տարեկան հանդիպումները ՌԴ սուբյեկտների հեռուստաընկերությունների հետ, որոնց ընթացքում նա տարվա հաշվետվությունն է ներկայացնում և պատասխանում հարցերի:
Այս մի մամուլի ասուլիսը տարօրինակ է նրանով, որ այն անսպասելիորեն է նշանակվել, իսկ թեման անհայտ է: