Այսօր՝ դեկտեմբերի 12-ին, ողբերգական դեպք է տեղի ունեցել Երևանում: Ժամը 18.40-ի սահմաններում «Mitsubishi Cantero» մակնիշի 398 ՕՕ 62 համարանիշի ավտոմեքենայի վարորդը Չեխովի փողոցում «Շարմ» գեղեցկության սրահի մոտ բախվել է «Lexus» մակնիշի 34 ՍZ 708 համարանիշի ավտոմեքենային:
Ինչպես հայտնում է shamshyan.com-ը, «Lexus» էլ ինքնաբերաբար բախվել է «BMW» մակիշի 34 QP 531 համարանիշի ավտոմեքենային: Օպերատիվորեն դեպքի վայր են ժամանել Երևանի 1-03 Շտապօգնությւան բրիգադը, սակայն պարզվել է, որ «Mitsubishi»-ի վարորդը ավտոմեքենան վարելիս հանկարծամահ է եղել, ինչն էլ վթարի պատճառ է դարձել: Դեպքի վայր են ժամանել Ճանապարհային ոստիկանության 1-ին սպայական գումարտակի ծառայողները՝ Հայաստանի քննչական կոմիտեի Երևանի քննչական վարչության ավագ քննիչ Արգիշտի Տոնոյանի գլխավորությամբ, ում կողմից փաստի առթիվ նյութեր են նախապատրաստվում:
Մանրամասները՝ shamshyan.com-ում