Թուրքական Gazeteboyut կայքի փոխանցմամբ, Թուրքիայի «Ազգայնական շարժում» կուսակցության (ԱՇԿ) նախագահ Դևլեթ Բահչելին 2009 թվականի ապրիլի 24-ին ԱՄՆ տվյալ ժամանակվա դեսպան Ջեյմս Ջեֆրիի հետ հանդիպման ժամանակ ԱՄՆ-ին առաջարկել է ճանաչել Հայոց ցեղասպանությունը:
Այս մասին նշված է 2009 թվականի ապրիլի 29-ին Ջեֆրիի` Վաշինգտոն ուղարկած հաղորդագրությունում. «Անկասկած է, որ Բահչելիի այդ կոչն ուղղված է առաջին հերթին սեփական շահերին: Դրա պատճառն այն է, որ եթե ԱՄՆ-ը ճանաչի Հայոց ցեղասպանությունը, ապա դրանից առաջացած հուզական ալիքն առաջին հերթին մեծ օգուտ է հասցնելու ԱՇԿ-ին:
Եթե մենք գործածենք «Ցեղասպանություն» եզրույթը, ապա կվատթարանան թուրք-ամերիկյան հարաբերությունները, և այդ ժամանակ էլ Բահչելին գլուխ կբարձրացնի»:
Հիշեցնենք, որ ամենահայատյաց թուրք քաղաքական գործիչներից մեկը հանդիսացող Դևլեթ Բահչելին իրականում ունի հայկական ծագում: Կասկածներ կան, որ նա կրոնափոխ հայի թոռ է: