Երեկ Իսրայելի վարչապետ Բենյամին Նաթանյահուն հրահանգել է կառավարության անդամներին ամեն ինչ անել «Խաղաղության նավատորմի» հերթական «օպերացիան» կանխելու համար: Այս մասին հայտնում է Haaretz իսրայելական թերթը: «Շրջափակման նպատակը ահաբեկչական կազմակերպությունների կողմից զենքի անօրինական ներկրման արգելափակումն ու Իսրայելի վրա հարձակումը կանխելը», ասվում է վարչապետի հայտարարության մեջ:
Նաթանյահուի կարծիքով` օտարերկրյա նավերը կարող են Գազայի հատված հասցնել ոչ միայն հումանիտար օգնություն, այլ նաև զենք և զինամթերք: Վարչապետի հայտարարոթւյան մեջ նաև ասվում է, որ բանակն ու ռազմածովային ուժերը պետք է ամեն ինչ անեն Գազայի հատվածում ծովային շրջափակումը շաարունակելու համար:
Հիշեցնենք, որ անցած տարվա մայիսին թուրքական նավերից կազմված «խաղաղության նավատորմի» որոշ նավեր ենթարկվել էին իսրայելական սահամանապահ ուժերի զննությանը: Mavi Marmara նավի վրա տեղի էր ունեցել բախում, որի հետևանքով զոհվել էր Թուրքիայի 8 և ԱՄՆ մեկ քաղաքացի: Հիմա շատերը մտավախություն ունեն, որ այս բախումը կարող է կրկնվել: