Կոլումբիայում երիտասարդ ոստիկանը ճակատագրական սխալից փրկել է 60-ամյա տեղացուն: Մետրոյի ուղևորի ինքնասպանության դիմելու քայլը կանխվել է գնացքի ժամանումից մեկ վայրկյան առաջ: Այս մասին հայտնում է El Tiempo-ն:
19-ամյա Ալֆոնսո Ռամիրեսին տարօրինակ է թվացել տղամարդու վարքը: Դեպքը տեղի է ունեցել մայրաքաղաք Բոգոտայից ոչ հեռու գտնվող Մեդելին քաղաքի մետրոկայարանում: Ուղևորն այս ու այն կողմ է գնացել, նայել ռելսերին ու նյարդայնացել՝ անհամբերությամբ սպասելով գնացքին: Ռամիրեսը ենթադրել էր նրա գործողությունների ընթացքը:
Միջադեպից հետո նա տղամարդուն անհրաժեշտ բժշկական և հոգեբանական օգնություն է ցուցաբերել: Վերջինս շնորհակալություն է հայտնել ոստիկանին և ասել, որ ցանկանում էր կյանքի հետ հաշվեհարդար տեսնել անձնական խնդիրների պատճառով:
Ոստիկանի քայլն աննկատ չի մնացել ղեկավարության կողմից: Քաղաքի ոստիկանապետ Խոսե Մենդոզան գովասանքի է արժանացրել նրան: Թեև երիատսարդ ոստիկանն աշխատում է ընդամենը 8 ամիս, ոստիկանապետը խոստացել է նրան պարգևատրել մեդալով:
Ռամիրեսն արժանացել է նաև «ամսվա աշխատակից» տիտղոսին, և նրան հավելյալ ազատ օր է տրամադրվել: