Իսպանացի թենիսիստուհի Գարբին Մուջուրուսա Բլանկոն համոզված է, որ Մեծ սաղավարտի հնգակի դափնեկիր Մարիա Շարապովան ելույթների ժամանակ բարձր բղավոցներով փորձում է վախեցնել իր մրցակցին:
«Երբեմն Շարապովան այնպես է գոռում, որ քեզ թվում է՝ գնդակն ավելի արագ է ընթանում: Երբեմն նա այդպես է անում մրցակցին վախեցնելու համար: Նրա ձայները շեղում են ինձ: Նույնիսկ ես եմ երբեմն բղավում, բայց այնպես չէ, ինչպես Շարապովան»,- իսպանացի թենիսիստուհու խոսքն է փոխանցում «Tennis World USA»-ը:
Նշենք, որ Գարբին Մուջուրուսան 2015 մրցաշրջանն ավարտել է 3-րդ համարի ներքո՝ Շարապովային թողնելով 4-րդ հորիզոնականում:
