Լոնդոնում ընթանում է ATP-ի տարվա ամփոփիչ մրցաշարը: Եզրափակիչի ուղեգիր են նվաճել աշխարհի 1-ին համար Նովակ Ջոկովիչն ու 3-րդ համար Ռոջեր Ֆեդերերը:
Կիսաեզրափակիչում սերբ թենիսիստ Նովակ Ջոկովիչին հաջողվել է 6:3, 6:3 հաշվով պարտության մատնել իսպանացի Ռաֆայել Նադալին, իսկ Ֆեդերերը հաղթել է հայրենակից Ստանիսլաս Վավրինկային 7:5, 6:3 հաշվով:
Նշենք, որ եզրափակիչը տեղի է ունենալու այսօր՝ Երևանի ժամանակով 22:00-ին: Ֆեդերերի հաղթանակի դեպքում շվեյցարացին նորից կստանձնի 2-րդ համարը՝ շրջանցելով շոտլանդացի Էնդի Մարեյին: