Tuesday, 21 03 2023
Կաթողիկոսի, գերագույն հոգևոր խորհուրդի հայտարարությունը Լաչինի փակման 100-րդ օրվա կապակցությամբ
Ոսկյա զարդերը կշարունակեն հարկվել ԱԱՀ-ով․ Արման Պողոսյան
14:20
Հունգարիան արգելափակել է Պուտինին ձերբակալելու՝ ԵՄ-ի հայտարարությունը
Լավրովի վկայաբերած օրինակները երանելի կարող են թվալ, որովհետև սուբյեկտության բաղադրիչ կա
Ժաննա Անդրեասյանը հետևել է Հայաստանի ֆուտբոլի ազգային հավաքականի մարզմանը
14:00
Live. «Առաջին լրատվական» տեղեկատվական-վերլուծական կենտրոն
Արշակ Հակոբյանի (Վովայի Արշակ) շուրջ 426 մլն դրամի ապօրինի գույքն օրինականացնելու վերաբերյալ քրեական վարույթով նախաքննությունն ավարտվել է
ԱԺ նախագահի և ԱԳ նախարարի ասածները հակասության մեջ են․ Մամիջանյան
Սթափության կոչ եմ անում քաղաքապետարանի բոլոր աշխատակիցներին․ Տիգրան Ավինյան
13:30
ԱՄՆ հետախուզությունը կգաղտնազերծի կովիդի վերաբերյալ իրենց տվյալները
Անահիտ Ավանեսյանը կմեկնի Սանկտ Պետերբուրգ
13:10
Նավթի գներն աճել են- 20-03-23
ԿԽՄԿ միջնորդությամբ Արցախից 9 անձ է տեղափոխվել ՀՀ
12:50
Մոսկվայի հետ հարաբերությունների ամրապնդումը Պեկինի ռազմավարական ընտրությունն Է. Սի Ծինփին
Սյունիքի մարզում անտառում նորածնի մարմին է հայտնաբերվել
Կոչ եմ անում լինել ազնվաբարո քաղաքացիներ և չլինել կաշառակեր, գող ու ավազակ. Կոնջորյանը՝ աշակերտներին
12:30
ԱՄՆ-ը Սի Ծինփինին կոչ է անում ճնշում գործադրել Պուտինի վրա՝ «դադարեցնելու պատերազմական հանցագործություններն Ուկրաինայում»
ՀՀ գլխավոր օդային դարպասով անցյալ տարի տեղափոխվել է 3.649.764 մարդ
Քաղաքակիրթ աշխարհը 100 օր է՝ լուռ հետևում է փոքրիկ Արցախի շուրջ զարգացումներին. Արթուր Թովմասյան
ՀՀ-ում ներդրումների ռեկորդային ցուցանիշ է ապահովվել․ Քերոբյան
Արցախում տնտեսավարողները թույլատրելիից բարձր գնով վաճառքի դեպքում կզրկվեն պետական աջակցությունից
Հայաստանը Ղարաբաղի կարգավիճակի վերաբերյալ դաշնակիցներ չունի. Ալիևի կոշտ պահանջը կապված է Երևանի խուսափելու հետ
Միջազգային հանրությունը պետք է անհապաղ և նպատակաուղղված գործողություններ իրականացնի. նախագահ
«Անջատեք խոսափողը». Հակոբ Արշակյանը նախազգուշացում հայտարարեց Գեղամ Մանուկյանին
12:07
Բրյուսելում Կլաարը հանդիպել է Չավուշօղլուի հետ
Թրքահայերի մեծամասնությունը ձայն կտա Քըլըչդարօղլուն
Կայացել է ապօրինի ծագում ունեցող գույքի բռնագանձման գործով առաջին վճիռը
Լուրերի օրվա թողարկում 12:00
12:01
Ֆրանսիայի խորհրդարանը անվստահություն չի հայտնել կառավարությանը
Բլինքենի գրառումն ու Ադրբեջանի պատերազմական պրոպագանդան

Ինչո՞ւ Գալուստ Սահակյանը չի ցանկացել դեմ քվեարկել Էդմոն Մարուքյանի նախագծին

Ազգային ժողովը այսօր մերժեց պատգամավոր Էդմոն Մարուքյանի նախագծերի բավականին մեծ փաթեթը, որն առաջարկում էր վերականգնել մարդուն սեփականությունից զրկելու դատական կարգը: 2014թ. հունվարին ուժի մեջ մտած կարգի համաձայն՝ մարդուն հնարավոր է սեփականությունից զրկել նաև շրջանցելով դատական համակարգը: Մոտ երկու տարի առաջ է կարգի նման փոփոխություն տեղի ունեցել կառավարության ներկայացրած օրենսդրական առաջարկությամբ, ինչը հաստատվել է ԱԺ կողմից:

Գործող կարգի համաձայն՝ արդեն երկու տարի է, ինչ մարդը զրկվում է իր սեփականության իրավունքից ընդամենը վարչական ակտի հիման վրա: Իսկ Դատական ակտերի հարկադիր կատարման ծառայությունն այդ ակտերի հիման վրա մարդուց բռնագանձում է իր սեփականությունը՝ անտեսելով իր իսկ կոչումը՝ ինչը ոչ թե վարչական, այլ դատական ակտերի հարկադիր կատարումն է:

Անցած ողջ տարին, ինչպես նաև այս տարի մեքենա ունեցող մեր տասնյակ հազարավոր քաղաքացիներ հանկարծ հայտնաբերում էին, որ Ոստիկանության ակտի և ԴԱՀԿ-ի պահանջի հիման վրա իրենց բանկային հաշիվները հայտնվել են կալանքի տաք: Պարզվում է, որ նրանք չեն վճարել ինչ-որ ժամանակ, անգամ մի քանի տարի առաջ կատարած ճանապարհային երթևեկության խախտման համար սահմանված տուգանքը: Չվճարելու արդյունքում այդ գումարի վրա ավելացել են նաև տույժեր և 5000-դրամանոց տուգանքը ամիսների ու տարիների ընթացքում բազմապատկվել է: Իսկ քաղաքացին տեղյակ չի եղել ոչ միայն այդ տույժ ու տուգանքների, այլև կատարած խախտման մասին, քանի որ Ոստիկանությունն այդ մասին ծանուցում չի արել: Արդյունքում այդ քաղաքացու բանկային հաշիվը հայտնվում է կալանքի տակ: Իհարկե, անցած տարի մի փոքր օրենսդրական փոփոխությամբ այնպես արվեց, որ կալանքի տակ է հայտնվում ոչ թե ոչ հաշիվը, այլ տույժ-տուգանքի չափով գումարը, բայց խնդիրը շարունակում է անհանգստացնել մեր քաղաքացիներին:

Բայց արտադատական կարգով մարդուն սեփականության իրավունքից զրկելը միայն այս խնդրին չի վերաբերում: Վերաբերում է բոլոր վարչական մարմինների՝ հարկային ծառայության, տեղական ինքնակառավարման և այլ մարմինների նման որոշումներին, որոնց հիման վրա ԴԱՀԿ-ը մարդուն զրկում է սեփականության իրավունքից: Ընդ որում՝ ԴԱՀԿ-ը քաղաքացու բանկային հաշվից միանգամից քաշում է նրա տույժ ու տուգանքի չափը՝ անկախ այն հանգամանքից քաղաքացին համաձայն է դրա հետ, թե ոչ:

Եվ արդյունքում հիմա Հայաստանում չկա մի վարորդ, որ նման մի քանի տուգանք չի կրել, տնտեսվարողները նույնպես հայտնվել են տույժ ու տուգանքի տակ: Ամեն օր ԴԱՀԿ այդ խնդրից դժգոհ հարյուրավոր քաղաքացիներ են այցելում: Հազարավոր քաղաքացիներ հանկարծ հայտնաբերում են, որ իրենց հաշվից գումար է քաշվել ու այդպես շարունակ: Եվ այս դեպքում ոչ թե վարչական մարմինն է քաղաքացուն ապացուցում, որ նա մեղավոր է ու պետք է վճարի դրա համար, այլ այդ կառույցը նախ ԴԱՀԿ-ի միջոցով քաղաքացուց գանձում է իր հասանելիքը, այնուհետև քաղաքացուն ասում՝ եթե համաձայն չես, կարող ես սահմանված ժամկետում բողոքարկել: Իսկ այդ բողոքարկման կարգն այնքան բարդ է ու շատերի համար անհասանելի, որ շատ դեպքերում քաղաքացին գերադասում է վճարել չկատարած խախտման կամ սխալի համար, քան թե գլուխ դնել պետական մարմինների ու դատարանների հետ: «Եվ մարդու իրավունքների զանգվածային ոտնահարումներ են տեղի ունենում, միլիոնավոր են այդ ակտերը և միլիարդավոր տուգանքները: Էլ չեմ ասում, որ մեկի վրա կրկնակի տուգանք են դնում, մյուսից կրկնակի են բռնագանձում: Սրանք համակարգի կիքսերն են, որը ծավալով է պայմանավորված: Եթե այդ ծավալի չլիներ, հավանաբար այդպիսի կիքսեր չլինեին»,- ասում է Է. Մարուքյանը:

Պատգամավորի կարծիքով՝ օրենսդրական այն փոփոխությունը, որը նման իրավիճակ է ստեղծել, հակասահմանադրական է, քանի որ ՀՀ Սահմանադրության մեջ ամրագրված է, որ քաղաքացուն սեփականության իրավունքից պետք է զրկել դատական կարգով: Անցած տարի, սակայն, Սահմանադրական դատարանն այդ փոփոխությունը հակասահմանադրական չի ճանաչել, այդ պատճառով էլ պետական կառույցները շարունակում են վարչական ակտի հիման վրա մարդկանց զանգվածաբար զրկել իրավունքից:

Եվ սա այն դեպքն է, երբ նման խնդրի առաջ կանգնում են ոչ միայն շարքային քաղաքացիները կամ ընդդիմության ներկայացուցիչները, այլ նաև պետական պաշտոնյաները, անգամ բարձրաստիճան պաշտոնյաները: Հավանաբար հենց դա էր պատճառը, որ Է. Մարուքյանի այդ նախագիծը երեկ ԱԺ-ում մերժվեց ընդամենը երկու ձայնի տարբերությամբ՝ 51 դեմ, 41 կողմ և 4 ձեռնպահ հարաբերակցությամբ: ԱԺ ոչ իշխանական ՀԱԿ, «Բարգավաճ Հայաստան», «Օրինաց երկիր», «Ժառանգություն» և «Դաշնակցություն» խմբակցությունները կողմ են քվեարկել նախագծին, դեմ է քվեարկել միայն Հանրապետական խմբակցությունը:

Ընդ որում՝ ԱԺ նախագահ Գալուստ Սահակյանը, ով քվեարկության էր դնում Է. Մարուքյանի այդ նախագիծը, չի քվեարկել՝ հավանաբար այն պատճառով, որ դեմ չքվեարկի: Իսկ ԱԺ փոխնախագահ Էդուարդ Շարմազանովը կողմ է քվեարկել, դեմ է քվեարկել միայն Հերմինե Նաղդալյանը: Նախագծին կողմ է քվեարկել անգամ Մհեր Սեդրակյանը: Ընդ որում՝ հանրապետականներից մի շարք պատգամավորներ ներկա էին դահլիճում, բայց չեն քվեարկել: Եվ սա այն դեպքերից է, որ խորհրդարանական մեծամասնությունը թեև մի կերպ մերժում է ոչ իշխանական պատգամավորի նախագիծը, սակայն ցուց է տալիս, որ չի ցանկանում դեմ քվեարկել ու կատարել իր կառավարության ցանկությունը:

Բաժիններ
Ուղիղ
Լրահոս
Որոնում