Եթե ԱԺ-ն ամբողջությամբ ընդունի Հայաստանի Հանրապետության Քրեական օրենսգրքում փոփոխություններ և լրացումներ կատարելու մասին օրենքի նախագիծը, ՀՈԴՎԱԾ 21.-ով նախատեսվում է Oրենսգրքի 215-րդ հոդվածի 1. 1-ին մասը շարադրել հետևյալ խմբագրությամբ. «Մաքսանենգությունը` Հայաստանի Հանրապետության մաքսային սահմանով ապրանքների, մշակութային կամ այլ արժեքների տեղափոխումը առանց մաքսային հսկողության կամ դրանից թաքցնելով, կամ մաքսային և այլ փաստաթղթերը խաբեությամբ օգտագործելու միջոցով, կամ դրանց մասին ճշգրիտ տեղեկությունները սահմանված ձևով չհայտարարագրելը, ինչպես նաև ոչ իր անվամբ հայտարարագրելը, եթե դրանք կատարվել են խոշոր չափերով, բացառությամբ սույն հոդվածի երկրորդ մասով նախատեսված ապրանքների կամ արժեքների, պատժվում է տուգանքով՝ նվազագույն աշխատավարձի հազարապատիկից երեքհազարապատիկի չափով, կամ ազատազրկմամբ` առավելագույնը հինգ տարի ժամկետով` գույքի բռնագրավմամբ»։
2. 5-րդ մասում «տեղափոխված ապրանքների կամ առարկաների» բառերից հետո ավելացվել է «մաքսային» բառը։
3. 6-րդ մասում «մաքսանենգության առարկաները» բառերից հետո ավելացվել են «իսկ վերջիններիս բացակայության դեպքում՝ դրանց մաքսային գումարը (արժեքը)» բառերը:
