Եվրոպայի նավթային շուկա սաուդցիների մտնելն արդեն մտահոգում է Մոսկվային, բայց իրանական նավթի շուկա մտնելը շատ ավելի սարսափելի հեռանկար է Ռուսաստանի համար: Այս մասին գրում է Bloomberg-ը:
Սաուդյան Արաբիան արդեն նավթ է մատակարարում Ռուսաստանի համար ավանդական երկրներ՝ Լեհաստան և Շվեդիա, սակայն նավթի խոշորագույն արտադրողի մատակարարումների ծավալներն առայժմ թույլ չեն տալիս զգալիորեն ազդել ռուսական Urals նավթի գնի վրա:
Այդուհանդերձ, ռուսական նավթի արտահանումից եկամուտների նվազման գլխավոր ռիսկերը գալիս են Իրանից, որի վրայից պատժամիջոցները կհանեն Իրանի միջուկային ծրագրի վերաբերյալ համաձայնությունների գալուց հետո, նշում է գործակալությունը:
Ընդհուպ մինչև 2012թ., երբ պատժամիջոցներ էին սահմանվել Իրանի դեմ, այդ երկրին է բաժին հասել եվրոպական նավթային շուկայի մոտ 17%-ը: Իրանը Եվրոպային օրական մինչև 600.000 բարել նավթ էր մատակարարում, հիմա Իրանի իշխանությունները պատրաստ են նավթի համաշխարհային շուկաներ մատակարարել մոտ 520.000 բարել օրական: