Այնքան հաճախ ենք լսում, որ Ամերիկան «ներգաղթյալների երկիր է» կամ «մշակութային խառնարան», որ այդ արտահայտությունը դարձել է հնացած կլիշե։ Սակայն այդ պատմությունը ֆոտոշարքով տեսնելն առավել տպավորիչ է։
The Washington Post-ը ներկայացրել է ֆոտոշարք, որում պատկերված են 20-րդ դարասկզբին Էլլիս կղզով ԱՄՆ մուտք գործած մարդիկ՝ ազգային հագուկապով։ Կղզին այն ժամանակ միլիոնավոր ներգաղթյալների համար դարպաս էր դեպի ԱՄՆ։
Լուսանկարները Ավգուստոս Շերմանին են՝ մի սիրողական լուսանկարչի, որը 1892-1925 թթ. Էլլիս կղզում աշխատել է որպես ռեեստրի գլխավոր քարտուղար։ Շերմանը լուսանկարել է այդ մարդկանց, երբ նրանք իրենց ազգային հագուկապով անցել են մաքսատնով։ Լուսանկարները 1907 թվականին հրապարակվել են National Geographic-ում։ Այժմ դրանք գտնվում են Նյու Յորքի հանրային գրադարանում։
Մինչև 1954 թվականը ավելի քան 12 մլն ներգաղթյալներ են այս կղզով մուտք գործել ԱՄՆ։ Ամերիկացիների ավելի քան 40 տոկոսի արմատների հետքերը տանում են էլլիս կղզի։
Կղզու պատմության մեջ կան նաև մռայլ պահեր՝ ռասիզմի դրսևորումներ և էթնիկ դասակարգումներ։ 1920 թվականներից սկսեցին ետ ուղարկել որոշ երկրներից ժամանած և որոշակի ազգությունների ներգաղթյալներին։ Մտավոր ու ֆիզիկական արատներով մարդիկ, ինչպես նաև անգրագետներն ու առանց ծնողների ժամանած երեխաները նույնպես ետ էին ուղարկվում։
Ստորև ներկայացնում ենք լուսանկարները։
Երիտասարդ գերմանացի
Երեխաներ և կանայք Նիդեռլանդներից
Հույն զինվոր
Կոզակ տղամարդիկ Ռուսաստանից
Ալժիրցի տղամարդ
Բավարացի տղամարդ
Ալբանացի զինվոր
Երեխաներ և մի կին Լապլանդիայից
Դանիացի տղամարդ
Կանայք Գվադելուպայից (Ֆրանսիա)
Երիտասարդ հնդիկ
Իտալացի կանայք
Նիդեռլանդցի կին
Ռումինացի տղամարդիկ
Արևելասլավոնական փոքրամասնության ներկայացուցիչ. Ավստրոհունգարական կայսրություն
Կանայք և մի երեխա՝ Սլովակիայից
