ԱՄՆ պետքարտուղար Ջոն Քերին, որն անցած շաբաթ այցով Ստամբուլում էր, ապրիլի վերջին կրկին կայցելի այդ քաղաք՝ այս անգամ մասնակցելու «Սիրիայի բարեկամների» հանդիպմանը:
Հանդիպման անցկացման մասին պայմանավորվածությունը ձեռք է բերվել Ստամբուլում Քերիի և Թուրքիայի արտգործնախարար Ահմեդ Դավութօղլուի վերջին բանակցությունների ժամանակ: Հանդիպման նախաձեռնողները ակնկալում են, որ այն կնպաստի Բաշար Ասադի ռեժիմի տապալման գործընթացի արագացմանը և թույլ կտա Սիրիայի հետ մարդասիրական միջանցք բացել: Այս մասին հայտնում է Hurriyet-ը՝ հղում անելով դիվանագիտական աղբյուրներին:
Պարբերականի տեղեկություններով՝ հանդիպումը ծրագրվում է ապրիլի 20-ից հետո՝ 11 երկրների ներկայացուցիչների մասնակցությամբ (ԱՄՆ, Թուրքիա, Մեծ Բրիտանիա, Ֆրանսիա, Իտալիա, Գերմանիա, Եգիպտոս, ԱՄԷ, Կատար, Հորդանան, Սաուդյան Արաբիա):
