Ինչպես հայտնի է, «Տաշիր գրուպ»-ը ՀԷՑ-ում կադրային ծավալուն փոփոխություններ է սկսել։ Որոշ աշխատակիցներ բողոքել են, որ ՀԷՑ-ում կադրային ջարդ է իրականացվում։ Այսօր մամուլում գրվել է, որ ՀԷՑ-ի «Կենտրոն» մասնաճյուղի տնօրեն է դարձել Դավիթ Ղազինյանը, ով սահմանադրական բարեփոխումների հանձնաժողովի անդամ Գագիկ Ղազինյանի որդին է։
Կառավարության նիստից հետո Հանրային ծառայությունները կարգավորող հանձնաժողովի նախագահ Ռոբերտ Նազարյանից հետաքրքրվեցինք, թե վաճառքի պայմանագրով որևէ կերպ կարգավորվե՞լ է կադրային քաղաքականությունը, որպեսզի ՀԷՑ-ում կադրային ջարդ չլինի։ «Ես ինչ գործ ունեմ ՀԷՑ-ի կադրային ջարդի եհտ։ Իրենց մենեջմենթն է, ինչ կուզեն՝ կանեն։ Իրենք ուզում են մի օր շուտ լավացնեն կառավարման էֆեկտիվությունը։ Մենք այդ հարցում որևէ միջամտություն անելու իրավունք չունենք»,- ասաց ՀԷՑ-ի վաճառքը թույլատրած հանձնաժողովի նախագահը։
Մանրամասները՝ տեսանյութում։