«Այն ինչ տեղի ունեցավ սեպտեմբերի վերջին հայ-ադրբեջանական շփման գծում, ունի երկու պատճառ։Առաջինը՝ նախորդ մեկ ամսվա ընթացքում էսկալացիան արդեն տեղի էր ունենում, այդ գործողությունների ըթնացքում Ադրբեջանը լուրջ կորուստներ ունեցավ, և դրա պատասխանը եղավ ըստ էության։ Երկրորդ պատճառը՝ այո, ՄԱԿ-ի գլխավոր ասամբլեայի նախօրեին Ադրբեջանը փորձում էր ցույց տալ, որ չի մերվել ստատուս քվոյի հետ»,-«Առաջին լրատվական»-ի հետ զրույցում նման տեսակետ հայտնեց Կովկասի ինստիտուտի փոխտնօրեն, քաղաքագետ Սերգեյ Մինասյանը։
Նրա խոսքերով՝ այս պահին սահմանին համեմատաբար հանդարտ է, բայց դա չի նշանակում, որ մի ամսից կամ մեկ շաբաթից նույն իրավիճակը չի լինի. «Նոյեմբերին Ադրբեջանում սպասվում են խորհրդարանական ընտրություններ և շատ հնարավոր է, որ մասամբ կրկնվի այն նույն իրավիճակը, որ կար Եվրոպական խաղերի ժամանակ։ Խորհրդարանական ընտրությունների ժամանակ համեմատաբար հանդարտ կլինի, դրանից հետո՝ դեռ հայտնի չէ, կամ նավթային այն տենդեցները, որ կարող է իշխանություններին ստիպել ժամանակ առ ժամանակ գնալ սրման»,- ասաց քաղաքագետը։
Ամբողջությամբ՝ մեր տեսանյութում