«Հանրապետականը թևքերը քշտած՝ անցել է գործի: Ուսուցիչներին հանձնարարել են ցուցակագրել ծնողներին ու նրանց բարեկամներին: Այս գործընթացն ուղեկցվում է ծնողական ժողովներով»,- գրում է «Հրապարակը» և հավելում.
«Բացի սա, համայնքների ավագանու անդամներին հանձնարարվել է կազմել 2-ական ցուցակ՝ աշխատողների ու գործազուրկների, որպեսզի որոշեն, թե առաջիններին ինչ հրահանգներ տան, իսկ երկրորդներին՝ ինչքան գումար: Թոշակառուներին գումար բաժանելու գործընթացն էլ է մեկնարկել: Նրանց մի մասը գոհ է, մյուս մասը՝ հիասթափված, քանի որ խաբեության դեպքերը շատ են. 10 հազար խոստանում են, 5 տալիս»:
