Այսօր ֆրանսիական Closer ամսագիրը գրել է, որ Ֆրանսիայի նախագահ Նիկոլա Սարկոզիի կինը` Կարլա Բրունին հղի է: Հղում կատարելով Ելիսեյան պալատում իր աղբյուրին` ամսագիրը գրում է. «Մենք դեռ չգիտենք` դա տղա է, թե աղջիկ, դեռ շատ վաղ է, սակայն վստահ եղեք, որ առաջին տիկինը հղի է»:
Ամսագիրը նաև նշում է, որ նախագահն ու առաջին տիկինը խնդրել են իրենց շրջապատի մարդկանց, որպեսզի այս լուրի մասին դեռ չբարձրաձայնեն: Եթե լուրը հաստատվի, ապա 43-ամյա Կարլա Բրունիի համար այս երեխան կլինի երկրորդը, իսկ Նիկոլա Սարկոզիի համար` 4-րդը:
Տեղեկացնենք նաև, որ Closer ամսագիրը Ֆրանսիայում բավականին սկանդալային համբավ ունի, և հաճախ ամսագրի ղեկավարությունը դատարանի առջև է կանգնում` հայտնի մարդկանց անձնական կյանքին վերաբերող մանրամասներ տպագրելու համար:
