«Առաջին լրատվական»-ը ներկայացնում է «Բողոք երկրի սրտից» հաղորդաշարի հերթական թողարկումը: Երկրի սրտում՝ Հանրապետության հրապարակում, իր բողոքն է հայտնում Երևանի բնակիչ Վարսենիկ Բաղդասարյանը:
Տիկին Վարսենիկը պատմում է, որ որդին՝ Հակոբ Ատյանը, 2003թ. զորակոչվել է բանակ, ծառայել է Մեղրիում, չնայած նրան, որ որդին հոգեկան առողջության հետ կապված խնդիրներ է ունցել, մի քանի ամիս ծառայելուց հետո բանակից որդուն ծանր վիճակում տեղափոխել են հիվանդանոց:
«Յոթ ամիս պառկելուց հետո մյուս որդիս տուն է բերել, որ հոգեբուժարանում չմնա, զինվորական գրքույկ են տվել, այնուհետև հաշմանդամության կարգ նշանակել, եզրակացության մեջ գրել են, որ մանկուց է հոգեկան խնդիրներ ունեցել. բա որ ըտենց էր, ինչի էին հիվանդ երեխուս բանակ տանում, որ հիվանդությունը խորանար, հիմա էլ 19 հազար թոշակ են տալիս, զինգրքույկ ունի՝ պիտի զինվորական նպաստ տան, չեն տալիս:
11 տարի է պայքարում եմ, հիմա էլ դիմել եմ դատարան, 11 շունչ ենք, հանրակացարանում մի սենյակի մեջ ենք ապրում, ինչ անենք՝ պիտի բնակարան հատկացնեին, տեսել ենք՝ կա, բայց չեն տալիս, դուռը փակ պահում են, ոչնչով չեն օգնում: Մեր հաշիվները սառեցված են, տունը՝ վարկի տակ, գործերը հարկադիրում են, տղաս անաշխատունակ է, 4 անչափահաս երեխա կա ընտանիքում»,- ընդգծեց տիկինը:
Մանրամասները՝ տեսանյութում:
