Ալեքսանդր Լուկաշենկոն կհաղթի առաջիկա նախագահական ընտրություններում, նույնիսկ եթե քվեարկությունը լինի ազատ և արդար, գրում է The Guardian-ը: Այդպիսի կանխատեսումները փորձագետները կապում են հարևան Ուկրաինայում ռազմական իրադարձությունների հետ:
«Տնտեսական իրավիճակը վատանում է, բայց բոլորը հասկանում են, որ Լուկաշենկոյից բացի արժանի թեկնածու չկա»,- մեկնաբանում է ընտրողներից մեկը: Նշվում է, որ կառավարությանն է պատկանում ամբողջ արդյունաբերության 80%-ը, ինչի հետ կապված՝ շատ աշխատողներ Լուկաշենկոյին համարում են երաշխավոր, որ իրենք առանց աշխատանքի չեն մնա:
Քանի որ նավթի գինն ընկնում է, և Ռուսաստանում ֆինանսական ճգնաժամը բելառուսական տնտեսությանը հրում է դեպի հետաճ, բելառուսների աշխատավարձերը նվազում են:
Այնուամենայնիվ, երկրում ապստամբ տրամադրություններ գործնականում չկան: Բելառուսում, որտեղ ռուսական ալիքները բավական շատ դիտվող են, Ուկրաինայում հակամարտությունը դիտարկվում է որպես նախազգուշացում:
«Մարդիկ այնտեղ իրար են սպանում հանուն իրենց համոզմունքների: Մեզ հաստատ նման բան պետք չէ»,- մեկնաբանում է ընտրողներից մեկը:
Պարբերականը նշում է, որ կասկած չկա, որ Լուկաշենկոն կհաղթի առաջիկա ընտրություններում, բայց նրա հետագա գործողությունները կանխատեսել դեռ հնարավոր չէ: Ըստ The Guardian-ի հոդվածագրի՝ Բելառուսի նախագահը կա՛մ «կընկնի Մոսկվայի ամուր գիրկը», կա՛մ քաղաքականությունը կուղղի արևմտյան երկրների կողմը: