Այսօր Համահայկական երիտասարդական կենտրոնում 2007 թվականի քիք-բոքսինգի աշխարհի մրցումների գավաթակիր, 2010 թվականի քիք-բոքսինգի աշխարհի չեմպիոն Կարեն Կարապետյանը փորի վարժության նոր ռեկորդ սահմանեց:
21-ամյա երիտասարդը 4131 անգամ կատարեց վարժությունը, ինչը աշխարհի բացարձակ ռեկորդ է: Սակայն ինչպես «Առաջին լրատվականի» հետ զրույցում նշեց մարզիկի հայրը, իրենք հատուկ չեն դիմել Գինեսի ռեկորդների գրքի ներկայացուցիչներին, քանի որ այս ակցիայի նպատակը ոչ թե Գինեսի գրքում տեղ զբաղեցնելն է, այլ ամբողջ աշխարհին ևս մեկ անգամ կոչ անելը, որպեսզի ճանաչեն Հայոց Մեծ Եղեռնը:
