ՀՀ Մարդու իրավունքների պաշտպանի գրասենյակը եւ ՀՀ նախագահի աշխատակազմը ներկայացրել են «Հավաքների մասին» օրենքի նախագիծ, որի հանրային քննարկումները սկսվեցին այսօր՝ մի շարք միջազգային փորձագետների մասնակցությամբ: Մարդու իրավունքների պաշտպան Արմեն Հարությունյանը նշեց, որ իրենց ներկայացրած նախագիծը ներկայումս գործող օրենքի հայեցակարգային փոփոխությունն է. «Սա որեւէ կապ չունի գործող օրենքի հետ՝ թե՛ կառուցվածքի, թե՛ ֆորմալ-իրավաբանական եւ թե՛ բովանդակության տեսանկյունից»
«Հարավային Կովկասում իրավական եւ դատական բարեփոխումների համար խորհրդատվություն» ծրագրի հայաստանյան ղեկավար Վարդան Պողոսյանն էլ նշեց, որ օրենքը պետք է նպաստի մեր երկրում հավաքների անցկացման եվրոպական չափանիշների հիմնադրմանը:
Սերժ Սարգսյանի օգնական Գեւորգ Կոստանյանն էլ նկատեց, որ մենք խնդիրներ ունենք թե՛ հավաքների անցկացման եւ թե՛ մարդու այլ իրավունքներ հետ եւ պետք է կարողանանք գործնականորեն ապահովել այդ երկու կարեւորագույն իրավունքների հավասարակշռությունը: