Արտակարգ դեպք է տեղի ունեցել ապրիլի 4-ին՝ Կրեմլի պատերի մոտ: «Տոյոտա» մակնիշի հին մեքենայով մի տղամարդ փորձել է մտնել Կարմիր հրապարակ,սակայն ագելափակոցը թույլ չի տվել նրան դա անել, և նա մեքենան «կայանել» է հենց «Ռուսաստանի Դաշնության ճանապարհների զրոյական կիլոմետրում»:
Համացանցի միջոցով այդ լուսանկարը տարածվել է, իսկ այնուհետև պարզվել են նաև արտակարգ դեպքի մանրամասները: Բրյանսկի պետհամարանիշներով ավտոմեքենան սկզբում կանգնել է «Մետրոպոլ» հյուրանոցի առջև, այնուհետև նրան հաջողվել է փախչել ոստիկաններից:
Ավելի ուշ, երբ օրինախախտը ստիպված է եղել կանգնել «զրոյական կիլոմետրում», նրան շրջապատել են ոստիկանները: Այդ ժամանակ տղամարդն իրեն ոչ ադեկվատ է պահել: Ականատեսների խոսքերով՝ խուլիգանը բղավել է, որ ինքը «Պուտինի որդին է և գնում է նրա հետ հանդիպման»:
Ըստ Life News-ի՝ «նախագահի որդու» անունը Մաքսիմ Խուլապով է: Սկզբում նրան ոստիկանական բաժանմունք են տեղափոխել, և չնայած նրա ձեռքերը ոլորած են եղել, նա կարողացել է ոտքով հարվածել նրան մի քանի հարցեր տվող լրագրողուհու կրծքին:
Խուլիգանին ստուգելու նպատակով հոգեբուժական կլինիկա են ուղարկել:
