Forbes-ը հրապարակել է վերջին տասնամյակի ամենաբարձր վարձատրվող 20 մարզիկների ցուցակը, որտեղ ընդգրկված են միայն նրանք, ովքեր նշված ժամանակահատվածի մեծ մասը զբաղվել են մարզական գործունեությամբ: Այդ իսկ պատճառով ցուցակում ընդգրկված չեն բասկետբոլիստ Մայքլ Ջորդանը և գոլֆիստ Արնոլդ Պալմերը:
Ցուցակում ընդգրկված իգական սեռի միակ ներկայացուցիչը ռուս թենիսիստուհի Մարիա Շարապովան է, ով զբաղեցնում է 18-րդ հորիզոնականը: 10 տարիների ընթացքում նրա եկամուտների հանրագումարը 250 մլն դոլար է կազմել:
Առաջին տեղում է գոլֆսիտ Թայգեր Վուդսը: Նրա եկամուտը 845 մլն դոլար է կազմում: Երկրորդը՝ բռնցքամարտիկ Ֆլոյդ Մեյուեյզերն է: 10 տարում նա 660 մլն դոլար է վաստակել: Երրորդ տեղում բասկետբոլիստ Քոբի Բրայանթն է՝ 475 մլն դոլար եկամուտով:
Առաջին տասնյակում են նաև բասկետբոլիստ Լեբրոն Ջեյմսը (472 մլն), թենիսիստ Ռոջեր Ֆեդերերը (455 մլն), ֆուտբոլիստ Դևիդ Բեքհեմը (441 մլն), բռնցքամարտիկ Մենի Պակյաոն (432մլն), ֆուտբոլիստներ Քրիշտիանու Ռոնալդուն (407 մլն) և Լիոնել Մեսսին (350 մլն):