Դուշամբեում կայացած ՀԱՊԿ գագաթաժողովի ընթացքում ՀՀ նախագահ Ս. Սարգսյանը հայտարարեց, որ Հայ ադրբեջանական սահմանի լարվածությունը ապակայունացնում է ողջ տարածաշրջանը: Այս գագաթաժողովում Հայաստանը ստանձնեց ՀԱՊԿ նախագահությունը: Հայաստանը լինելով ՀԱՊԿ անդամ և ստանձնելով նախագահությունը՝ կարո՞ղ է ինչ-որ էական բան քաղել: Այս հարցի վերաբերյալ «Առաջին լրատվական»-ի հետ զրույցում իր տեսակետը հայտնեց փորձագետ Ստեփան Սաֆարյանը, նշելով, որ սա, թերևս, պիտի համարել Հայաստանի համար շանս՝ փորձարկելու ՀԱՊԿ-ի նշանակությունը ռազմաքաղաքական ապահովման առումով:
Հակամարտության շիկացումը հակամարտության գոտում և ողջ հայ ադրբեջանական սահմանի երկայնքով, վկայում է, որ ըստ էության, որ ըստ էության այն նպատակները հանուն որոնց իբրև թե Հայաստանը անդամակցել է ՀԱՊԿ-ին, ապահովում է մեր անվտանգությունը:
Հայաստանի նախագահությունը մի քանի առումներով է կարևոր: Ստանձնելով նախագահությունը՝ Հայաստանը, որպես նախագահող երկիրը, առավել ևս արագ իրավունք պետք է ունենա անհրաժեշտության դեպքում հարցը լուծելու ՀԱՊԿ շրջանակներում և պահանջելու համապատասխան հոդվածի կիրառում, որը վերաբերում է ՀԱՊԿ անդամ երկրների նկատմամբ ոտնձգություններին»:
Հայ-ադրբեջանական սահմանում տիրող լարված իրավիճակին և ՀԱՊԿԻ-ի միջամտությանն անդրադառնալով՝ Սաֆարյանը նշեց, որ կան զինատեսակներ, որոնք բացառապես օգտագործվում են պատերազմական իրավիճակում. «Այն, ինչ կիրառվեց այս տարվա ընթացքում Ադրբեջանի զինուժի կողմից Հայաստան-Ադրբեջան սահմանագծում, հավասարազոր էր պատերազմ սկսելուն: ՀԱՊԿ-ը մինչև այժմ ցանկություն չի ունեցել քննարկելու այդ խնդիրը, և Հայաստանը չի էլ դիմել: Այժմ մենք հնարավորություն ունենք փորձարկելու այդ կառույցի նշանակությունը Հայաստանի անվտանգության համակարգում»:
Մանրամասները՝ տեսանյութում: