Իտալիայի ոստիկանությունը Հռոմի հարկային ոստիկանության հետ համատեղ իրականացրել է մեծածավալ օպերացիա, որին մասնակցել են նաև Կալիբրիայի, Լոմբարդիայի և Կամպանիայի ոստիկանները, ինչի արդյունքում բռնագանձվել է իտալական մաֆիայի ունեցվածքը: Այս մասին հաղորդում է իտալական Corriere della Sera-ն:
Խոսքը մոտ 40 ընկերություննեի ունեցվածքի մասին է։ Նաև արգելանք է դրվել մոտ 44 բնակարանների, 4 առանձնատների, 12 ավտոտնակների, 60 հողակտորների, 56 մարդատար և 108 բեռնատար մեքենաների օգտագործման վրա: Այս ծավալի ունեցվածքի բռնագրավումը թույլ է տվել զգալիորեն թուլացնել մաֆիայի տնտեսական դիրքերը:
Բռնագրավված ունեցվածքի արժեքը մոտավորապես 190 մլն եվրո է: Բռնագրավված ունեցվածքի մեջ են նաև երկու իտալական թիմեր, որոնք հանդես են գալիս Իտալիայի ֆուտբոլի «Դ» սերիայում` Cittanova Interpiana-ն և Sapri-ն:
