Չորեքշաբթի օրը Ջեկոբ Ջավիթսի անվան ցուցադրությունների սրահում բացվել է Նյու Յորքի միջազգային ավտոսրահը, որը ամենահինն է ու ամենաշատ այցելուներն է ունենում ԱՄՆ-ում:
Ինչպես հայտնել է ավտոսրահի մամլո ծառայության ղեկավար Մայքլ Դի Պաոլոն, այս տարի տեղի կունենա 56 շնորհանդես` 35 միջազգային և 21 հյուսիսամերիկյան: Նոր մոդելներ կցուցադրեն այնպիսի ավտոարտադրողներ, ինչպիսիք են Fiat-ը, Chrysler-ը, Nissan-ը, Aston Martin-ը և այլ ընկերություններ:
Ինչպես ակնկալում են կազմակերպիչները, ավտոսրահում մեծ հեղինակություն են վայելում էլեկտրական մեքենաները: Մասնագետների շրջանում և սիրողական մակարդակով մեծ հետաքրքրություն է առաջացրել Nissan Leaf Nismo էլեկտրամեքենան, որն էլ ճանաչվել է տարվա լավագույն մեքենա:
Այս տարի ժյուրիի անդամներն էին աշխարհի տարբեր ծայրերի 24 երկրներից 66 ավտոմոբիլային լրագրողներ, որոնք եզրափակիչում որոշեցին երեք մեքենաներից լավագույնը: Դրանք էին Audi A8, BMW 5 Series և Nissan Leaf ավտոմեքենաները:
Ամենամյա նյույորքյան ցուցահանդեսը տեղի է ունենում արդեն 111-րդ անգամ: Տարեկան այն այցելում է ավելի քան մեկ միլիոն մարդ:
Առաջին երկու օրերի ընթացքում այն աշխատում է միայն լրագրողների և մասնագետների համար: Ավելի լայն հասարակայնության համար այցելությունը կթույլատրվի ապրիլի 22-ից մինչև մայիսի 1-ը:
