ՆԱՏՕ-ն մտադիր չէ կրճատել իր միջուկային ներուժը, այդ մասին հայտարարել Է Հյուսիսատլանտյան դաշինքի միացյալ զինված ուժերի բարեփոխման գծով ՆԱՏՕ-ի գերագույն հրամանատարության ղեկավար ֆրանսիացի գեներալ Ստեֆան Աբրիալը: «Այնքան ժամանակ, քանի դեռ աշխարհը միջուկազերծ չի դարձել, դաշինքը պետք Է պահպանի միջուկային զենքը»,-այսօր գեներալի ելույթից մեջբերումներ են արել լրատվական գործակալությունները, որը նա ունեցել է անվտանգության հարցերին նվիրված միջազգային համաժողովում, որն անցած հանգստյան օրերին տեղի է ունեցել Հալիֆաքսում: Եվրոպայում ՆԱՏՕ-ի ոչ ռազմավարական միջուկային զինանոցի հարցը, ինչպես սպասվում է, կարծարծվի դաշինքի անդամ 28 երկրների՝ նոյեմբերի 19-20-ը Լիսաբոնում կայանալիք գագաթնաժողովում: Փորձագիտական գնահատման համաձայն՝ ՆԱՏՕ-ի հինգ երկրներում՝ Գերմանիայում, Բելգիայում, Իտալիայում, Նիդեռլանդներում եւ Թուրքիայում, պահեստավորված Է մինչեւ 240 միջուկային ավիառումբ: