Այսօր Ազատության հրապարակում քաղաքացիական խորհրդի հերթական նիստն էր, որը վարում էին «Ժառանգություն» կուսակցության քարտուղար Ստյոպա Սաֆարյանը և դիրիժոր Վարդան Հակոբյանը:
Ստյոպա Սաֆարյանն այսօր «Ազատության» հրապարակում մի հետաքրքիր տարբերություն առանձնացրեց. 2008-ին, 2003-ին 1998-ին, երբ աշխարհի երկրները շնորհավորում էին «հաղթած» թեկնածուին, հասարակությունը թևաթափ էր լինում: Ըստ նրա՝ այն ինչ տեղի է ունենում այսօր, իսկապես հրաշք է, և մնում է շնորհավորել հեռացող նախագահին:
«Ժողովուրդն ասում է, որ խաղն ավարտված չէ, և որ Հայաստանը գալու է: Շատերը տարբեր գնահատականներ են հնչեցնում հացադուլին, սա այն պրոցեսը չէ, ինչին սովոր են ՀՀ իշխանությունները»,- ասաց Ս.Սաֆարյանը՝ հավելելով, որ նրանց թվում է, թե այս անգամ էլ իրենց կհաջողվի հայտնի մեթոդներով ընկճել ժողովրդին, ժամանակ շահել,բայց տեղի ունեցող պրոցեսներն իշխող ռեժիմի օգտին չեն:
«Եթե երկրում ճգնաժամը ստեղծվել է ընտրությունների արդյունքում, ապա ճգնաժամը վերացնելու մեկ ձև գոյություն ունի՝ նոր ընտրություններ»,- ասաց Ս. Սաֆարյանը: